"Банк "чёрный список"га тиқди" -энди нима бўлади

❌ "Банк "чёрный список"га тиқди" -энди нима бўлади

Кўпчилик фуқаролар бирор марта кредит тўловини кечиктириб, кейинчалик янги кредит ололмаса, "мени банклар қора рўйхатга киритиб қўйишди" деб ўйлайди. Келинг, бу масалага ҳуқуқий ва амалий жиҳатдан ойдинлик киритамиз. Аслида тизим қандай ишлайди?📊 Барча тўлов маълумотларингиз Кредит ахборот таҳлилий марказида (КАТМ) жамланади. Банк янги кредит беришда айнан шу базага таянади.🤖 Сизни ҳеч ким дафтарга ёзиб қўймайди. Тўлов кечикса, махсус дастур автоматик равишда бал(скоринг)ни пасайтиради ва янги кредит рад этилади.⏳ Қарзни ёпгач, маълумот қачон янгиланади?✅ Сўнгги тўловдан сўнг, маълумот КАТМга юборилади ва 1-3 иш кунида қарз мақоми "ёпилган" деб ўзгаради.📝 "Қарзни уздим, тарихим тозаланди" дейиш хато. Кечиккан кунларингиз базада барибир сақланиб қолади.📈 Пасайган баллни кўтариш учун кичик товар кредитлари олиб, уларни муддатидан кечиктирмай тўлаш орқали янги ижобий тарих яратиш керак.💡 Хулоса қилсак "қора рўйхат" эмас, бузилган молиявий интизом бор. Қарзни ёпгач, ЯИДХП (my.gov.uz) орқали кредит тарихингизни бепул текшириб, қарз тўлиқ узилганига ишонч ҳосил қилишни унутманг!

Yurist_rakursi — Ҳуқуқни амалиёт билан боғлаймиз