Талабалар ўқишини кўчириш ("перевод"): олдинги ва янги тартиб

🎓 Талабалар ўқишини кўчириш ("перевод"): олдинги ва янги тартибЯқинда Вазирлар Маҳкамасининг 2026 йил 12 июндаги 299-сон қарори қабул қилинди. Бу ҳужжат билан хорижий ва нодавлат ОТМлардан ўқишни давлат ОТМларига кўчириш бўйича алоҳида давлат хизматини кўрсатишнинг янги маъмурий регламенти тасдиқланди.Қандай эди?Олдинги тартибда (ВМнинг 2025 йилги 578-сон қарори) бу жараён учун ягона ва яхлит маъмурий регламент ишлаб чиқилмаган эди.Ўқишни кўчириш тўлиқ рақамлаштирилган ҳолда, композит давлат хизмати шаклида (ЯИДХП орқали интеграция қилинган ҳолда) жорий этилмаган эди.Янги тартибдаги муҳим ўзгаришлар⏳ Қатъий муддат ва онлайн қабул. Ҳужжатлар ҳар йили 15 июлдан 5 августгача (шу куни ҳам) фақат онлайн тарзда (ЯИДХП, Билим ва малакаларни баҳолаш агентлигининг махсус электрон платформаси) ёки Давлат хизматлари марказлари (ДХМ) орқали қабул қилинади. ✅ Хатони тўғирлаш учун имконият. ОТМ (ишчи орган) 15 июлдан 6 августгача ҳужжатларни кўриб чиқади. Агар ҳужжат тўлиқ бўлмаса ёки хато аниқланиб ариза рад этилса, талабага камчиликларни бартараф этиш учун қўшимча 5 иш куни берилади. 💰 Тўлов тизими. Давлат хизматини кўрсатганлик учун БҲМнинг ярим баравари миқдорида тўлов ундирилади. Ариза берувчи жараённинг исталган босқичида хизматдан бош тортиши мумкин, лекин бу ҳолатда тўлов қайтарилмайди. 📜 Сертификатлар кучи. Чет тили ва умумтаълим фанларидан миллий ёки халқаро сертификатга эга талабгорларга мос фанлардан максимал ёки табақалаштирилган балл бериш амалиёти йўлга қўйилди. 📱 QR-кодли шаффоф натижа. Имтиҳонлар тугагач, 1 ҳафта ичида талабага QR-код билан ҳимояланган расмий натижа автоматик равишда онлайн юборилади.❗️ Энг муҳим чеклов (грант масаласи). ВМнинг 578-сон қарорига киритилган ўзгартиришга кўра, давлат гранти асосида талабаликка қабул қилинганларнинг иккинчи марта мазкур таълим босқичида давлат гранти асосида ўқишига қатъиян рухсат этилмайди. Бу маълумот вазирликнинг ахборот тизими орқали реал вақт режимида текширилади ва улар грант танловида иштирок эта олмайди.

Yurist_rakursi — Ҳуқуқни амалиёт билан боғлаймиз