Турар жойни нотурар жойга ўзгартирмоқчимисиз?

Кўп квартирали уйдаги квартирангизни тоифасини турар жойдан нотурар жойга ўзгартирмоқчимисиз?

Унда ушбу мақолани тўлиқ ўқиб чиқинг.

Кўчмас мулкингиз тоифасини турар жойдан нотурар жойга ўзгартириш учун:

1️⃣ Қуйидаги талабларга ва шартларга риоя этилиши шарт:

➖кўчмас мулк тақиқда ёки хатловда бўлмаслиги керак (ипотека бундан мустасно);

➖кўчмас мулк биринчи қаватда жойлашганлиги турар жой бўлиши керак (якка тартибдаги уй-жойлар бундан мустасно);

➖биноларнинг конструкциясига таъсир кўрсатувчи ўзгартиришлар киритмаслик шарт;

➖объектда эвакуация чиқишлари (сони ва жойи) ўзгармаслиги керак;

➖турар жой аниқ мақсадли коммунал уй-жой фондига кирмаслиги;

➖алоҳида эшик очиш имкони бўлиши шарт;

➖Вазирлар Маҳкамасининг 2000 йил 24 январдаги 22-сон қарорида белгиланган рухсат берилган фаолият турлари тофасидаги фаолият юритишга мўлжалланган бўлиши шарт;

➖ер участкасидан фойдаланишга рухсат берилган фаолият тури бўлиши керак.

2️⃣ Ариза илова сифати қуйида ҳужжатлар тақдим этилиши шарт:

➖бино ва иншоотнинг техник ҳолати бўйича ижобий хулоса;

➖турар жойни нотурар жой тоифасига ўтказиш назарда тутилганда сўровномага турар жойга биргаликда эгалик қилувчиларнинг (агар мавжуд бўлса) нотариал тасдиқланган ёзма розилиги.

Сиздан бошқа ҳужжатларни талаб қилиш ёки тақдим этилмаган деб аризангизни рад этиш мумкин эмас.