ЖИСМОНИЙ ШАХСНИ ҲАМ БАНКРОТ ДЕБ ТОПИШ МУМКИН...

ЖИСМОНИЙ ШАХСНИ ҲАМ БАНКРОТ ДЕБ ТОПИШ МУМКИН...

Банкротлик - бу фақат юридик шахс ёки якка тартибдаги тадбиркор бўлиши керак деган тушунча эмас. Аксинча, жисмоний шахсни ҳам банкрот деб топиш мумкин. Тўловга қобилиятсизлик (банкротлик) нима? Бу — қарздорнинг кредиторлар олдидаги пул мажбуриятларини белгиланган муддатда бажара олмаслиги, яъни ўз қарзларини тўлаш имкониятини йўқотган ҳолатидир.

Бунда гап қуйидаги мажбуриятлар ҳақида бормоқда:

✔️ банк кредитлари;

✔️ ипотека кредитлари;

✔️ микроқарзлар;

✔️ фоизлар ва неустойка;

✔️ солиқ қарзлари;

✔️ бошқа пул мажбуриятлари.

Кимлар судга жисмоний шахсни банкрот деб топиш тўғрисида мурожаат қилиши мумкин:

• қарздорнинг ўзи;• кредитор;• қонунчиликда назарда тутилган бошқа ваколатли субъектлар мурожаат қилиш ҳуқуқига эга.

Суд нимани текширади? Суд фақат қарз мавжудлигини эмас, балки:

✔️ қарздорнинг даромадларини;

✔️ мол-мулкини;

✔️ қарзларнинг келиб чиқиш сабабларини;

✔️ тўлов қобилиятини тиклаш имкониятини;

✔️ кредиторлар манфаатини ҳам баҳолайди.

Агар қарздорнинг молиявий аҳволини тиклаш имкони бўлса, суд:

• қарзларни бўлиб-бўлиб тўлаш;• қарзни тўлаш муддатларини узайтириш;• тўлов жадвалини ўзгартириш каби чоралар назарда тутадиган режа тузади.

Агар бунинг имкони бўлмаса, қарздорнинг мол-мулки ҳисобидан қарзни тўлаш чорасини кўради.

Банкрот деб топилган шахсга қандай чекловлар ва тақиқлар белгиланади? Агар бундай ҳаракатларни қилса, жавобгар бўлиши мумкин.

❌ мол-мулкни яшириш;

❌ қариндошлар номига расмийлаштириб қўйиш;

❌ активларни арзон нархда сохта сотиш;

❌ қарздан қочиш мақсадида сохта битимлар тузиш;

❌ атайлаб ўзини тўловга қобилиятсиз ҳолатга келтириш;

❌ судга ёлғон маълумот бериш.

Агар қарзларингиз ортиб кетган бўлса:

🔹 мол-мулкни яширишга уринманг;

🔹 сохта битимлар тузманг;

🔹 ҳуқуқий маслаҳат олинг;

🔹 судга мурожаат қилиш имкониятларини таҳлил қилинг.