Миранда қоидаси
Голливуд киноларини кўрганмиз, полициячи жиноятчини ушлаб, қўлига кишан солаётганда албатта шундай дейди: "Сиз сукут сақлаш ҳуқуқига эгасиз, айтган ҳар бир сўзингиз ўзингизга қарши ишлатилиши мумкин..." Бу машҳур "Миранда қоидаси" деб аталади. АҚШда 1966 йилдаги Эрнесто Миранда билан боғлиқ суд ишидан кейин ҳар бир ушланган шахсга шу ҳуқуқларини эслатиш мажбурий бўлган. Шунингдек, киноларда ушланган одам идорага келиши билан албатта битта нарсани талаб қилади, "Менинг қонуний битта қўнғироқ қилиш ҳуқуқим бор!".Бизни тергов амалиётида бу каби амалиёт бор. Қонунчилигимизда шу "битта қўнғироқ" ҳуқуқи белгилаб қўйилган. Яъни, ушланган ёки қамоққа олинган шахс бу ҳақда (қаерда эканлиги тўғрисида) ўз адвокатига ёки яқин қариндошига телефон орқали қўнғироқ қилиш ёхуд хабар бериш ҳуқуқига эга.Амалиётда бу жуда муҳим нарса. Кучли мантиқ билан ўйлаб топилган қоида бу. Чунки одам кўчада бирдан йўқолиб қолса, уйидагилари ваҳимага тушиб, қаердан излашни билмайди. Қолаверса, адвокатни тезроқ топиб, ҳимоя ҳаракатларини дарҳол бошлаш учун ҳам бу қўнғироқ сув ва ҳаводек зарур.Хулоса шуки, Худо кўрсатмасин-у, шундай вазиятга кимдир тушиб қолса, яқинларига қўнғироқ қилишни талаб қилиш қонуний ҳаққи эканини унутмаслик лозим. Бизда ҳам ўзимизнинг "Миранда" бор!
Yurist_rakursi — Ҳуқуқни амалиёт билан боғлаймиз
Ишингиз мураккаб бўлса — адвокат билан гаплашинг
Ўз ҳолатингизни мутахассисга кўрсатиш, хатоларнинг олдини олишга ёрдам беради. Ҳудудингиздаги адвокатни танланг.
Ўз ҳолатингизга мос жавоб олинг
Ҳар бир ажрашиш ҳолати ўзига хос. Юқоридаги маълумотлар умумий — лекин сизнинг ҳужжатларингиз ва ҳолатингизни кўриб чиқиш керак.